Real Madrid ka shënuar një fitore të rëndësishme 5-0 ndaj Valencias që mund të jetë pika e kthesës së këtij sezoni për ekipin madrilen. Në ndeshjen e luajtur në “Mestaja” është shfaqur Reali i vjetër, ai i titullit kampion, që nuk ka pasur mëshirë për kundërshtarin të cilin e shkatërroi që në 45 minutat e para. 

Goli i parë ka ardhur në minutën e 9-të, me autor Higuain, i cili çliron skuadrën e Murinjos nga trysnia. Më pas, protagonist bëhet Kristiano Ronaldo, i cili fillimisht jep pasimin e golit të dytë për Di Maria, e më pas shënon vetë një dygolësh të shpejtë. Pjesa e parë vuloset me golin e pestë, që vjen përsëri nga këmbët e Di Maria.

Në pjesën e dytë, të dy skuadrat duket se janë pajtuar me këtë rezultat dhe minutat e mbetura shërbejnë vetëm që publiku vendas të vërshëllejë dhe të kërkojë largimin e presidentit Lorente.

Me këtë sukses, Reali ka arritur të kthejë në 15 pikë diferencën me Barcelonën, ndërsa Atletiko Madrid është ende 7 pikë larg, pasi ka arritur të fitojë 2-0 ndaj Levantes. (LajmeShqip.com)

La Liga

Java 20 / Rezultatet

Osasuna-Deportivo                  2-1

26’ Sola, 61’ Nino / 90’ Kamunjas

Real Vajadolid-Real Saragoza  2-0

12’ Havi Guerra, 74’ Oscar Gonzalez

Atletiko Madrid-Levante           2-0

32’ Adrian, 60’ Koke

Valencia-Real Madrid              0-5

9’ Higuain, 34’, 45’ Di Maria, 36’, 41’ Kristiano Ronaldo