Real Madrid ka bërë provat e përgjithshme për sfidën e vështirë të Ligës së Kampioneve të mesjavës kundër Mançester Junajtid duke fituar lehtësisht 4-1 ndaj Seviljes. Skuadra e Murinjos, edhe pse ky i fundit kishte lënë pushim dy elementë kyç të skemave të tij si Ozil e Khedira, ka funksionuar mirë këtë radhë, duke shfrytëzuar formën e jashtëzakonshme që po kalon Kristiano Ronaldo. 

Portugezi ka qenë protagonisti absolut i ndeshjes me tre gola të njëpasnjëshëm pas avantazhit të sigluar nga Benzema, duke vendosur rezultatin e sfidës dhe entuziazmuar publikun e pranishëm në “Santiago Bernabeu” që ka harruar plotësisht kontestimet kundër tij.

Duhet theksuar se në këtë ndeshje, në formacionin madrilen është kthyer edhe Rikardo Kaka, i cili ka shfaqur një formë mjaft të mirë, sidomos në pjesën e parë.

Ndërsa po aq i rëndësishëm duket fakti se Murinjo vazhdon t’i besojë portierit Diego Lopez, që tregon qartësisht se aktivizimi i Adan kur në radhët e skuadrës ishte Iker Kasijas, ishte thjesht një ndëshkim ndaj kapitenit të Realit dhe nuk kishte shumë lidhje me formën e tij. (LajmeShqip.com)

La Liga

Java 23 / Rezultatet

Majorka-Osasuna        1-1

90’ Geromel / 77’ Lolo

Selta Vigo-Valencia      0-1

90’ Valdez

Levante-Malaga           1-2

27’ (p) barkero / 37’ (p), 47’ Isko

Deportivo-Granada      0-2

45’ (ag) Marçena, 51’ Ighalo

Real Madrid-Sevilja      4-1

18’ Benzema, 26’, 46’, 59’ Kristiano Ronaldo / 87’ Manu