Dëmtimet e lojtarëve kyç të Nju Jorkut në këtë pikë të sezonit po vënë në rrezik shanset e kësaj skuadre për të luftuar për titullin në NBA. Skuadra që aktualisht mban vendin e tretë në renditjen e Konferencës së Lindjes, po rrezikon të humbasë pozita të tjera në klasifikim nëse nuk reagon ndaj këtyre problemeve fizike. 

Ndeshja e mbrëmshme kundër LA Klipërs u kthye në një formalitet për vendasit që e kishin shumë të lehtë të dominonin ndaj Nju Jork me gjithë këto mungesa. Kris Pol shënoi 20 pikë e 8 pasime, Karon Batler shtoi 14 pikë ndërsa Bleik Grifin regjistroi 12 pikë e 12 pasime, duke mbajtur ekipin e tyre në kreun e Divizionit të Paqësorit, në kërkim të titullit të parë për skuadrën.

Në Konferencën e Lindjes, vazhdon furia e Majemit, që ka regjistruar suksesin e 22-të radhazi duke mundur Toronton me rezultatin 108-91. LeBron Xhejms shënoi 22 pikë, 12 topa në tabelë dhe 8 pasime, duke i dhënë skuadrës këtë sukses historik që barazoi serinë e dytë më të gjatë pozitive në historinë e NBA, që mbahej nga Hjuston. Si për ironi të fatit, Majemi do të udhëtojë të martën drejt Boston, skuadrës që 5 vite më parë ndali serinë pozitive të Hjuston dhe tani do të mundohet të bëjë të njëjtën gjë me kampionët e NBA. (LajmeShqip.com)

Rezultatet

Majemi-Toronto           108-91

Orlando-Miluoki           109-115

Nju Jork-La Klipërs     80-93

Golden Steit-Hjuston    108-78

Nju Orlins-Minesota     95-97

Oklahoma-Dallas          107-101

Atlanta-Bruklin 105-93

Sakramento-LA Leikërs           102-113