Kobi Brajant ka regjistruar ndeshjen e 114-të të karrierës me 40 a më shumë pikë duke shënuar 40 në ndeshjen kundër Indianas, por LA Leikërs janë mundur në shtëpi me rezultatin 79-77. 

Ylli i kalifornianëve, i cili regjistroi edhe 10 topa në tabelë, shënoi më shumë se e gjithë pjesa tjetër e skuadrës së bashku, por përsëri nuk ishte në gjendje të ndihmonte ekipin që vazhdon të jetë në mesin e tabelës së klasifikimit dhe nuk po arrin të shfaqet mes pretendentëve ndonëse ka marrë këtë sezon atë që cilësohet qendra më e mirë në botë, Duajt Hauard.

Indiana ka kontrolluar të gjithë ndeshjen, ndërsa ka arritur të rezistojë në minutat e fundit, duke gjetur koshin e fitores me Grent Hill kur kishin mbetur vetëm 0.1 sekonda lojë.

Për t’u veçuar në ndeshjet e mbrëmshme është suksesi i Minesota ndaj Sakramento ku Kevin Lëv tregoi se është kthyer në formën e tij të mëparshme duke dhënë një paraqitje monstruoze më 23 pikë e 24 topa në tabelë. (LajmeShqip.com)

Rezultatet

Dallas-Filadelfia            98-100

Feniks-Kliveland          91-78

Toronto-Hjuston           101-117

Minesota-Sakramento  97-89

Indiana-LA Leikërs      79-77