Kompanitë e basteve duket se janë të gjitha të bindura se Greqia nuk ka asnjë shans përballë Rusisë, që në këtë edicion është shfaqur një skuadër shumë e fortë dhe shihet si një ekip i rrezikshëm për çdo kundërshtar.

Skuadra e drejtuar nga Dik Advokat kuotohet 1.73 për fitoren në këtë sfidë, përballë koeficientit 5 që i është vënë një suksesi të Greqisë.

Në një ndeshje që pritet të ketë gola, parashikuesit e “William Hill” i kanë vënë koeficient të ulët fitoreve me rezultat të saktë 3-0 (13) dhe 3-1 (15) për skuadrën ruse. Fitoret 1-0 (7), 2-0 (9) dhe 2-1 (8.5) të këtij ekipi mbeten më të kuotuarat, ashtu si edhe barazimi 1-1 (7.5). Ndërsa një fitore 1-0 e Greqisë ka një koeficient shumë të lartë, 13.

Meqenëse pritet një Rusi në sulm që kërkon me çdo kusht fitoren dhe sa më shumë gola, është e gjatë lista e lojtarëve të kësaj skuadre që shihen si golashënues të mundshëm në këtë sfidë, duke filluar nga Pavliuçenko (2.25), Kerzhakov (2.2), Pogrebnjak (2.75), Xhagoev (2.87) dhe Arshavin (2.87). (LajmeShqip.com)