Kobi Brajant ka dhuruar një prej koshave më spektakolarë të viteve të fundit në fitoren 92-83 të LA Leikërs kundër Bruklin, si për të provuar se vazhdon të jetë ai ylli i kësaj skuadre dhe personi i vetëm që mund t’i kthejë përsëri në elitën e NBA. 

Ylli i kalifornianëve shënoi 21 pikë e 78 topa në tabelë, por do të kujtohet gjatë koshi i tij mes Gerald Uollas dhe Kris Hamfris në periodën e fundit. LA Leikërs vinin në këtë sfidë pa Duajt Hauard dhe Meta Uorld Pis, të dëmtuar, ndërsa në minutat e fundit u dëmtua edhe Pol Gasol. Megjithatë, kalifornianët kanë treguar se mund të ringjallen në këtë sezon që dukej i dështuar, pasi kanë fituar 6 nga 7 ndeshjet e fundit.

Në takimet e tjera bie në sy fitorja e jashtëzakonshme 140-109 e Hjuston përballë Golden Steit, ku vendasit barazuan rekordin e NBA në gjuajtjet për tre pikë, duke realizuar 23 të tilla. Rekordi mund të ishte thyer në minutat e fundit nëse Golden Steit nuk do të kishte vendosur t’i ndalonte në të gjitha mënyrat, duke bërë faulle të qëllimshëm dhe duke detyruar kundërshtarët të shkonin në vijën e gjuajtjeve të lira. (LajmeShqip.com)

Rezultatet

Atlanta-Indiana 103-114

LA Leikërs-Bruklin       92-83

Feniks-Memfis 96-90

Golden Steit-Hjuston    109-140

Miluoki-Denver            104-112