Raportet e fundit kanë bërë të ditur se ai mund të jetë joshur nga Roma dhe Fiorentina, për t’u larguar nga Baseli, por Shaqiri thotë se ai dëshiron të vazhdojë me kampionët e Zvicrës tani për tani.

“Unë nuk e di,” tha ai kur u pyet për Goal.com, nëse do të jetë i interesuar të bashkohet me një klub të madh në Evropë. “Unë jam me Baselin, ne duam të fitojmë kampionatin dhe jam duke luajtur në Ligën e Kampionëve me Baselin.”

“Unë nuk e di se çfarë do të ndodhë më vonë në të ardhmen, por unë tani jam me Baselin dhe kjo është e mirë për mua.”

Shaqiri, gjithashtu, theksoi vendosmërinë e tij për të arritur në fazën tjetër të Ligës së Kampionëve, në këtë sezonë.

Skuadra e Thorsten Fink është aktualisht në pole-position në Grupin C, me katër pikë nga dy ndeshje, që do të thotë se janë në nivel me Benficën, ndërsa Manchester United radhitet i treti.

“Ne jemi në krye të grupit, dhe ne duam të avancojnë në raundin e ardhshëm,” tha i riu.

Shaqiri po fliste pas humbjes 2-0 të Zvicrës në Uells, në kualifikueset Euro 2012, të premten në mbrëmje.

Humbja për djemtë e Ottmar Hitzfeld, do të thotë eliminim pasi që Mali i Zi dhe Anglia barazuan.

“Jo, unë nuk jam i kënaqur me punën tonë,” u ankua Shaqiri. “Kartoni i kuq për Reto Ziegler, në gjysmën e dytë ndryshoi ndeshjen. Pas kartonit të kuq ne nuk mund të luanim shumë futboll dhe kemi humbur.”

“Mali i Zi mori një barazim 2-2 me Anglinë dhe ne jemi jashtë”, tha ai.

Anglia ka fituar në grup dhe ka siguruar një kualifikim për veten në finalet e Euro 2012. (LajmeShqip.com)