Oklahoma ka çuar në 12 fitore radhazi bilancin e saj në këtë pikë të sezonit, duke përmirësuar rekordin më të mirë që mban aktualisht në NBA me 21 fitore e 4 humbje, falë suksesit 100-92 në fushën e Atlanta. 

Kevin Durant dhe Rasëll Uestbruk ishin të pandalshëm në këtë sfidë, duke dominuar ndaj skuadrës vendase me gjuajtje të pabesueshme. Durant ishte autor i 41 pikëve, 28 nga të cilat u shënuan në pjesën e dytë të ndeshjes, pasi në pjesën e parë shkëlqeu Uestbruk me 21 nga 27 pikët që realizoi në këtë sfidë.

Finalistët e sezonit të kaluar në NBA ndiqen hap pas hapi nga LA Klipërs, të cilët kanë mundur me rezultatin 93-77 ekipin e Nju Orlins për të regjistruar fitoren e 11-të radhazi dhe barazuar rekordin e vendosur nga kjo skuadër në sezonin 1974-1975. Bleik Grifin shënoi 18 pikë, ndërsa Kris Pol shtoi 10 pikë e 12 pasime në këtë sfidë ku diferenca mes dy skuadrave ishte e ndjeshme.

Një sfidë shumë interesante ishte ajo mes Nju Jork dhe Bruklin, e fituar nga kryesuesit e Konferencës së Lindjes me rezultatin 100-86. Karmelo Entoni u kthye në formacionin titullar pas disa ndeshjesh pushim për shkak të dëmtimit dhe tregoi menjëherë se nuk kishte humbur saktësinë para koshit duke shënuar 31 pikë në këtë sfidë që tashmë është kthyer në një klasike të Konferencës së Lindjes. (LajmeShqip.com)

Rezultatet

Uashington-Orlando             83-90

Detroit-Toronto                     91-97

Utah-Indiana                          84-104

Bruklin-Nju Jork                     86-100

Kliveland-Boston                    91-103

Oklahoma-Atlanta                  100-92

Filadelfia-Hjuston                    103-125

Sharlot-Feniks                        104-121

Miluoki-Memfis                        80-90

Golden Steit-Sakramento       127-131

Nju Orlins-LA Klipërs              77-93