Juventus ka arritur të marrë tri pikët në transfertën e vështirë të Palermos në ndeshjen që shënoi kthimin e Antonio Konte në pankinën e bardhezinjve. Për të zgjidhur këtë ndeshje të komplikuar ka mjaftuar një gol i mbrojtësit Lihtshtajner në minutën e 49-të të ndeshjes, pasi deri në ato momente, portieri shqiptar Samir Ujkani kishte mbrojtur mjaft mirë katërkëndorin nga sulmet e kampionëve të Italisë. 

Në këtë mënyrë, Juventusi vazhdon i qetë kryesimin i vetëm në renditje, pa u shqetësuar shumë nga skuadrat që e ndjekin. Tashmë grupit të kreut po tenton t’i afrohet edhe Milani, që ka siguruar një fitore mjaft të rëndësishme në transfertën kundër Torinos me rezultatin 4-2. Kjo ndeshje ishte shumë domethënëse për kuqezinjtë, që treguan se mund të reagonin pas golit të avantazhit të kundërshtarëve të shënuar nga Rosina. Robinjo, Pacini, Noçerino dhe i zakonshmi El Sharaui ishin autorët e golave për kuqezinjtë që vazhdojnë të respektojnë traditën e sukseseve sa herë që para ndeshjeve vizitohen nga presidenti Berluskoni. (LajmeShqip.com)

Seria A

Java 16 / Rezultatet 

Torino-Milan                 2-4

28’ Santana, 80’ Bianki / 40’ Robinjo, 53’ Noçerino, 61’ Pacini, 76’ El Sharaui

Peskara-Xhenoa           2-0

53’ Abruskato, 73’ Vukusiç

Kaljari-Kievo                 0-2

67’ Paloski, 87’ Tero

Siena-Katania               1-3

10’ Rosina / 50’ Kastro, 66’, 81’ Bergesio

Palermo-Juventus         0-1

49’ Lihtshtainer