Juventusi ka zgjidhur pa shumë probleme ndeshjen e javës së 26-të ndaj Sienës duke marrë tri pikët që i nevojiteshin ndonëse nuk ka shkëlqyer përballë skuadrës që lufton për mbijetesë. 

Bardhezinjtë janë treguar shumë cinikë në lojën e tyre dhe kanë kaluar në avantazh me fat në pjesën e parë kur portieri Pegolo ka grushtuar topin në këmbën e Lihtshtainer dhe sfera ka përfunduar në rrjetë. Meqë Siena nuk dukej se kishte forcë të reagonte përballë kampionëve, edhe këta të fundit u kënaqën me këtë avantazh minimal dhe vetëm në fundin e ndeshjes shënuan dy herë të tjera me Xhovinko e Pogba, për të çuar rezultatin e takimit në 3-0

Tashmë diferenca e bardhezinjve me ndjekësit më të afërt të Napolit që luajnë nesër është 7 pikë, një avantazh që shumë i rëndësishëm duke pasur parasysh se javën tjetër, kampionët në fuqi të Serisë A do të luajnë pikërisht në fushën e rivalëve të tyre më të fortë të këtij sezoni. (LajmeShqip.com)

Seria A

Java 26 / Rezultatet

Sampdoria-Kievo         2-0

33’ Poli, 83’ Eder

Parma-Katania             1-2

87’ Amauri / 5’ Lodi, 44’ Keko

Atalanta-Roma             2-3

9’, 44’ Livaja / 13’ Markinjo, 34’ Pjaniç, 71’ Torosidis

Juventus-Siena            3-0

30’ Lihtshtainer, 74’ Xhovinko, 89’ Pogba

Kaljari-Torino               4-3

37’ (p) Sau, 76’, 90’+4’ Konti, 87’ (p) Pinija / 47’ Çerçi, 54’ Stevanoviç, 90’+2’ (p) Bianki