Kristiano Ronaldo ka nevojë dëshpërimisht të shënojë një gol në Euro 2012 dhe nëse është e mundur, që njerëzit të mos i kujtojnë atij vazhdimisht që Lionel Mesi po luan më mirë dhe po shënon më shumë.

Futbollisti 27 vjeçar i Real Madrid nuk ka gjetur ende rrugën e rrjetës në Euro 2012 dhe seria e pabesueshme e gabimeve para porte në fitoren 3-2 të Portugalisë ndaj Danimarkës, përfundoi me thirrjet “Mesi! Mesi!” të tifozëve danezë të cilët e acaruan edhe më shumë atë, aq sa ai dukej sikur ishte gati të qante nga inati në minutat e fundit të ndeshjes.

“A e dini se çfarë po bënte Mesi në këtë pikë ë sezonit në vitin e kaluar? Ai po eliminohej nga Kupa e Amerikës në çerekfinalen që luhej në vendin e tij. Kjo është më keq, apo jo? Unë po vazhdoj të luftoj që të kalojmë në turin tjetër. Jam gati të firmos këtu që nuk e kam problem të mbyll Euro 2012 pa shënuar asnjë gol nëse Portugalia e fiton atë”, ishte shpërthimi i Kristiano Ronaldos, i pyetur rreth thirrjeve të tifozëve danezë kundër tij.

Më pas ai ka shpjeguar se ka qenë shumë i inatosur me veten pas një tjetër paraqitje personale që nuk e ka bindur.

“Duhet ta pranoj se humba qetësinë në minutat e fundit pasi gabova disa raste. Por jam shumë i lumtur që fituam këtë ndeshje të vështirë. Këtë radhë kishim me ne fatin që na mungoi me Gjermaninë”, tha ylli portugez. (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Renditja

Gjermani         6          3-1

Danimarkë      3          3-3

Portugali          3          3-3

Holandë           0          1-3

17.06.2012

Portugali-Holandë         20:45

Kharkiv (Ukrainë)

Danimarkë-Gjermani    20:45

Lviv (Ukrainë)