Sulmuesi i Gjermanisë, Mario Gomez, ka zbulua se vlerësimet më të mëdha i merr nga Spanja dhe jo nga tifozët e kombëtares së tij. Lojtari me origjinë spanjolle që ka shënuar të tre golat e Gjermanisë në Euro 2012, e quan ende të çuditshëm faktin se ai duhet të luajë ndeshjen e retë radhazi me objektivin për t’i mbyllur gojën kritikëve të tij.

“E di nga shokët e mi te Real Madrid, Ozil dhe Kedira, si dhe nga familja ime në Andaluzi se njerëzit në Spanjë më mbështetin. Vlerësimi për mua është më i lartë atje sesa në Gjermani, pasi ata mendojnë se unë jam një lojtar shumë i mirë”.

“Kam ndjerë shumë trysni para ndeshjes tonë të parë kundër Portugalisë për shkak të kritikave në Gjermani. E ndjeva veten nën vëzhgim dhe nuk luajta aq lirshëm sa dëshiroja. Kritikat e Sholl? Nuk e kam problem kur më kritikojnë, por gjërat që ka thënë ai për etikën time të punës nuk janë aspak korrekte dhe nuk bëjnë as për të qeshur”, tha sulmuesi i Gjermanisë.

Mediat gjermane kanë zbuluar ndër të tjera se Gomez është një tip shumë supersticioz. Futbollisti luan me këmbën e majte dhe jo rastësisht, krahu i majtë është i preferuari i tij për çdo veprim para ndeshjes, duke filluar nga veshja e çorapit dhe këpucës në këmbën e majtë para asaj të djathtë para fillimit të ndeshjes. Batuta që qarkullon tani në kampin të përfaqësueses gjermane është ajo se Gomez kërkon nga shokët e skuadrës që t’i rezervojnë gjithmonë atij tualetin që është majtas! (LajmeShqip.com)

Grupi B

Holandë-Danimarkë     0-1

24’ Krohn Dehli

Gjermani-Portugali        1-0

73’ Mario Gomez

Danimarkë-Portugali     2-3

41’, 80’ Bendtner / 24’ Pepe, 36’ Postiga, 87’ Varela

Holandë-Gjermani        1-2

73’ Van Persi / 23’, 38’ Mario Gomez

Renditja

Gjermani         6          3-1

Danimarkë     3          3-3

Portugali         3          3-3

Holandë           0          1-3

17.06.2012

Portugali-Holandë         20:45

Gjyqtar: Nikola Ricoli (Itali)

Kharkiv (Ukrainë)

Danimarkë-Gjermani    20:45

Gjyqtar: Karlos Velasko Karbajo (Spanjë)

Lviv (Ukrainë)