Borusia Dortmund dhe Bajer Leverkusen kanë siguruar nga një fitore në ndeshjet e javës së 22-të të Bundsligës, duke vazhduar një duel të ndezur mes tyre për vendin e dytë në kampionat, pasi vendi i parë, me përjashtim të ndonjë çudie, në këtë sezon i përket Bajern Mynih. 

Borusia ka fituar lehtësisht me rezultatin 3-0 në fushën e saj falë talentit të Marko Reus. Ky i fundit ka shënuar dy herë brenda minutës në fillimin e ndeshjes, duke zgjidhur gjithçka për ekipin e tij, ndërsa në pjesën e dytë ka realizuar edhe golin e tretë personal.

Edhe Bajer Leverkusen është kundërpërgjigjur në të njëjtën mënyrë, duke fituar 2-1 përballë Augsburg. Kisling dhe Bender ishin autorët e golave për “aspirinat”, ndërsa goli i Molders erdhi shumë vonë për të shqetësuar skuadrën që aktualisht mban vendin e tretë në renditjen e kampionatit, 1 pikë pas Borusia Dortmund. (LajmeShqip.com)

Bundesliga

Java 22 / Rezultatet

Bajer Leverkusen-Augsburg               2-1

26’ Kisling, 75’ Bender / 89’ Molders

Verder Bremen-Fraiburg                    2-3

39’, 64’ Petersen, 71’ Ginter / 36’ Kruse, 54’ (p) Kalixhiuri

Mainz-Shalke                                       2-2

27’ Ivanshitz, 63’ Pospeç / 41’, 82’ Bastos

Hamburg-Borusia Mynshengldbah       1-0

24’ Van Der Vart

Fortuna Dyseldorf-Grojter Fyrth           1-0

18’ Bellinghausen

Borusia Dortmund-Eintraht Frankfurt    3-0

8’, 9’, 65’ Reus