Mançester Junajtid është shkëputur 7 pikë në kreun e renditjes së kampionatit anglez falë fitores 4-3 ndaj Njukasëll në javën e 19-të. Skuadra e drejtuar nga Aleks Ferguson ka përfituar nga kjo fitore dhe humbja e Mançester Sitit për t’u shkëputur më tepër në kreun e klasifikimit. 

Në ndeshjen e luajtur në “Old Traford”, Mançester Junajtid është gjendur 3 herë në disavantazh falë gabimeve në mbrojtje dhe një loje aspak bindëse. Por siç ka ndodhur shpesh në këtë sezon, në të tre rastet ka arritur të barazojë rezultatin dhe dy skuadrat kanë bërë një lojë të hapur deri në minutën e fundit për të kërkuar fitoren. Në fund, suksesi i ka shkuar Junajtid që falë golit të Hernandez ka marrë tri pikë shumë të rëndësishme për luftën për titullin kampion.

Hapin e kreut nuk e ka mbajtur dot Mançester Siti, që është mundur në fushën e Sandërlend. Goli i vetëm i ndeshjes është shënuar pikërisht nga një ish-lojtar i skuadrës së Mançinit. Adam Xhohnson, i cili është hakmarrë ndaj ish-trajnerit të tij i cili e kishte dënuar me qëndrimin në pankinë gjatë sezoneve të kaluar.

Një hap të rëndësishëm para ka bërë Çelsi, që ka siguruar një fitore minimale 1-0 në fushën e Noruiç, duke qenë tashmë në vendin e tretë falë golit të shënuar nga spanjolli Huan Mata. (LajmeShqip.com)

Premier League

Java 19 / Rezultatet

Everton-Uigan                          2-1

52’ Osman, 77’ Xhagielka / 82’ Kone

Fullhem-Sauthempton               1-1

8’ Berbatov / 85’ (p) Lambert

Mançester Junajtid-Njukasëll    4-3

25’ Evans, 58’ Evra, 71’ Van Persi, 90’ Hernandez / 4’ Përç, 29’ (ag) Evans, 68’ Cise

Noruiç-Çelsi                             0-1

38’ Mata

Riding-Suonsi                           0-0

Sandërlend-Mançester Siti       1-0

53’ Xhohnson

QPR-Uest Bromuiç                   1-2

68’ Cise / 29’ Brunt, 50’ (ag) Grin

Aston Vila-Totenhem                0-4

58’ Defo, 61’, 73’ 84’ Beil

Stouk-Liverpul                          3-1

5’, 49’ Uollters, 12’ Xhons / 2’ (P) Xherard