Monday, 11 June 2012 08:40 
Me datë 20 qershor, Anglia do të kthehet në shtëpi. Kjo është iniciativa e çuditshme e Federatës Angleze të Futbollit e cila ka prenotuar udhëtimin për kthimin në shtëpi të kombëtares së drejtuar nga Roi Hodgson me këtë datë, që është vetëm një ditë pas ndeshjes kundër Ukrainës që mbyll Grupin D të Euro 2012.
“Procedura standard”, ishte komenti i drejtuesve të kësaj Federate, që duket se nuk ka shumë besim te forca e ekipit. Lajmi ka tronditur ambientin që është i ndezur për debutimin kundër Francës, pasi nuk pritej një lëvizje e tillë nga drejtuesit e Federatës.
Duket sikur këto të fundit nuk kanë asnjë lloj besimi se skuadra mund të kalojë grupin ku bëjnë pjesë edhe Suedia me Ukrainën. Për këtë arsye, kanë prenotuar një avion privat që do të niset nga aeroporti i Krakovës me datë 20, për t’u ndalur fillimisht në Mançester, e më pas në Londër.
Vetë lojtarët dhe stafi i kombëtares angleze kanë preferuar të mos e komentojnë këtë vendim, pasi kanë qenë më të shqetësuar të përshtateshin me temperaturën në Ukrainë, shumë më e larta sesa ajo në Poloni ku ka qëndruar ekipi këto ditë.
Sikur të mos mungonte i nxehti, lojtarët janë detyruar të ndërpresin stërvitjen e fundit në stadiumin Donetsk edhe për shkak të numrit të madh të mushkonjave, ndërsa të gjithë lojtarët dhe stafi janë mbuluar me kimikate kundër pickimit të insekteve, një fillim aspak pozitiv për këtë kombëtare që ka kaluar vitin 2012 mes shumë telasheve. (LajmeShqip.com)
Grupi D
11.06.2012
Francë-Angli 18:00
Gjyqtar: Nikola Ricoli (Itali)
Donetsk (Ukrainë)
Ukrainë-Suedi 20:45
Gjyqtar: Çyneit Çakir (Turqi)
Kiev (Ukrainë)
15.06.2012
Ukrainë-Francë 18:00
Donetsk (Ukrainë)
Suedi-Angli 20:45
Kiev (Ukrainë)
19:06.2012
Suedi-Francë 20:45
Kiev (Ukrainë)
Angli-Ukrainë 20:45
Donetsk (Ukrainë)
