Mançester Junajtid dhe Mançester Siti kanë vazhduar dominimin e tyre në kampionatin anglez duke u arratisur me fitoret e javës së 14-të, ndërsa ndjekësit më të afërt, Çelsi dhe Uest Bromuiç janë ndalur përsëri. 

Mançester Junajtid i kanë mjaftuar 31 sekonda për të zgjidhur ndeshjen ndaj Uest Hem, aq sa i janë dashur Robin Van Persit për të gjetur rrugën e rrjetës në këtë sfidë. Fitorja minimale me këtë gol që në minutën e parë të sfidës, mban “djajtë e kuq” një pikë para rivalëve të Mançester Sitit që kanë fituar 2-0 në transfertën përballë Uigan.

Skuadrës së Mançinit i janë dashur dy gola në pjesën e dytë nga Baloteli dhe Milner për të dalë me tre pikë nga kjo ndeshje ku edhe vendasit kanë rrezikuar disa herë potin e Hart.

Dy skuadrat e Mançester duhet të jenë më të qeta, pasi Çelsi duket se ka dalë nga gara për titullin kampion. Skuadra e drejtuar tashmë nga Rafael Benitez ka harruar jo vetëm si fitohet, por edhe si shënohet, duke regjistruar barazimin e dytë radhazi në shtëpi. Për më tepër, kontestimet ndaj trajnerit spanjoll kanë vazhduar, me publikun që kërkon në kor kthimin e Di Mateos. Kjo situatë bëhet shqetësuese, pasi deri tani rezultatet i japin të drejtë tifozëve. (LajmeShqip.com)

Premier League

Java 14 / Rezultatet

Sauthempton-Noruiç                1-1

32’ Lambert / 45’ Snodgras

Stouk-Njukasëll                       2-1

81’ Uollters, 85’ Zherom / 47’ Cise

Suonsi-Uest Bromuiç                3-1

9’ Miçu, 11’, 39’ Rutledxh / 45’ Lukaku

Totenhem-Liverpul                   2-1

7’ Lenon, 16’ Beil / 72’ (ag) Beil

Çelsi-Fullhem                           0-0

Everton-Arsenal                       1-1

28’ Fellaini / 1’ Uollkot

Mançester Junajtid-Uest Hem   1-0

1’ Van Persi

Uigan-Mançester Siti                0-2

69’ Baloteli, 72’ Milner