Mediat gjermane kanë raportuar se trajneri i Gjermanisë, Joakim Lëv, është irrituar shumë dhe pretendon se ka spiun brenda skuadrës së tij, pasi për të disatën herë, formacioni i ekipit që drejton u publikua disa orë para ndeshjes.

“Nuk di ta them me siguri se nga ka dalë ky informacion. Lojtarët flasin me menaxherët e tyre, ndoshta kjo është mënyra. Ata telefonojnë në shtëpi  dhe flasin me miqtë, se janë të lumtur apo të zhgënjyer. Jam i sigurt se nuk del nga lojtarët. Ka rrugë të tjera për rrjedhjen e informacionit por për momentin nuk mund t’i identifikojmë. Për ne nuk është gjë e mirë kur letrat janë në tavolinë kaq shpejt”, tha Lëv para gazetarëve.

Trajneri gjerman aktivizoi kundër Greqisë si titullarë Klose, Reus dhe Shurle, ndërsa pikërisht ky i fundit ka treguar irritimin e trajnerit pas kësaj ngjarje.

“Të vjen keq që ndodh kështu. Trajneri na ka folur për rrjedhjen e informacionit dhe sigurisht që nuk është i lumtur. Jam i sigurt se është dikush jashtë skuadre. Nuk e imagjinoj që një person i tillë të jetë në ekip”.

Gjithsesi, gjermanët po mundohen të ruajnë qetësinë dhe kanë bërë të qartë se kjo çështje nuk ka prishur harmoninë e grupit, siç konfirmoi edhe Marko Reus. “Unë nuk e di kush është spiuni, por fatmirësisht, kjo gjë nuk po ndikon në atë që po bëjmë”. (LajmeShqip.com)

Grupi B

Gjermani-Portugali        1-0

73’ Mario Gomez

Holandë-Gjermani        1-2

73’ Van Persi / 23’, 38’ Mario Gomez

Danimarkë-Gjermani    1-2

24’ Krohn Dehli / 19’ Podolski, 80’ Bender

Çerekfinalet

Gjermani-Greqi            4-2

39’ Lahm, 61’ Kedira, 68’ Klose, 74’ Reus / 55’ Samaras, 89’ (p) Salpingidis

Gjysmëfinale

28.06.2012

Gjermani-Angli/Itali       20:45