Fitorja 4-2 ndaj Greqisë ka bërë që Gjermania të shënojë disa arritje të jashtëzakonshme në historinë e kësaj përfaqësueseje dhe të futbollit botëror në përgjithësi.

Arritja për herën e katërt radhazi në gjysmëfinalet e një turneu madhor (Botërori 2006, Euro 2008, Botërori 2012, Euro 2012), ka ardhur nëpërmjet fitores së 15-të radhazi në turne zyrtarë.

Gjermanët kanë regjistruar vetëm fitore, duke filluar me ndeshjen për vendin e tretë në Botërorin 2010, ku mundën 3-2 Uruguain. Pas saj erdhën 10 fitoret në kualifikueset e Euro 2012, 3 sukseset në Grupin B të këtij aktiviteti dhe tani fitorja e 15-të në çerekfinale kundër Greqisë.

Gjatë vendosjes së këtij rekordi botëror, përfaqësuesja gjermane ka treguar dominimin e saj edhe në shifra të tjera, duke shënuar 46 gola e pësuar vetëm 13.

“Ko është një arritje e një klasi të lartë nga ky ekip. Mendoj se të gjithë mund të jemi krenarë për atë që ka arritur”, ishin fjalët e Joakim Lëv pas suksesit të radhës së përfaqësueses që ai ka drejtuar në tre turnetë e fundit. (LajmeShqip.com)

Çerekfinalet

R. Çeke-Portugali  0-1

79’ Kristiano Ronaldo

Gjermani-Greqi     4-2

39’ Lahm, 61’ Kedira, 68’ Klose, 74’ Reus / 55’ Samaras, 89’ (p) Salpingidis

23.06.2012

Spanjë-Francë        20:45

Gjyqtar: Nikola Ricoli (Itali)

Donetsk

24.06.2012

Angli-Itali                  20:45

Gjyqtar: Pedro Proença (Portugali)

Kiev