Julia Timoshenko do të ndjekë ndeshjen finale të Euro 2012 nga spitali i burgut. Lajmin e ka konfirmuar për agjenci të ndryshme lajmesh vetë vajza e saj, Jevgeni, e cila ka bërë të ditur se liderja e opozitës ukrainase “nuk bën tifo për asnjë prej dy skuadrave, thjesht dëshiron të shohë një ndeshje të bukur”.

Burgosja e Timoshenkos dhe aludimet për keqtrajtimin e saj në burg u bënë shkas që shumë përfaqësues të shteteve të ndryshme evropiane të refuzonin të merrnin pjesë si spektatorë në ndeshjet që kombëtaret e vendeve të tyre zhvillonin në qytetet ukrainase.

Kjo situatë për pak sa nuk shkaktoi edhe incidente diplomatike, pas reagimeve të ashpra të drejtuesve të shtetit ukrainas, me në krye presidentin Janukoviç.

Por me sa duket as Timoshenko, pas hekurave të burgut për akuzat e korrupsionit dhe shpërdorimit të detyrës në periudhën kur ishte kryeministre, nuk i ka rezistuar tundimit të shohë finalen dhe ceremoninë që zhvillohet para saj. “Kjo është një ditë shumë e veçantë”, ka pranuar e bija, “por ndërkohë vendi ynë po i largohet gjithnjë e më shumë Evropës”. (LajmeShqip.com)

Grupi C

Spanjë-Itali                   1-1

63’ Fabregas / 61’ Di Natale

Itali-Kroaci                   1-1

39’ Pirlo / 72’ Manxhukiç

Spanjë-Irlandë              4-0

4’, 70’ Torres, 49’ Silva,  83’ Fabregas

Kroaci-Spanjë              0-1

88’ Navas

Itali-Irlandë                   2-0

35’ Kasano, 90’ Baloteli

Çerekfinalet

Spanjë-Francë              2-0

19’, 90’+1’ (p) Ksabi Alonso

Angli-Itali                     0-0 (2-4 p.)

Gjysmëfinalet

Portugali-Spanjë           0-0 (2-4 p.)

Gjermani-Itali               1-2

90’+2’ (p) Ozil / 20’, 36’ Baloteli

Finalja

01.07.2012

Spanjë-Itali                   20:45

Gjyqtar: Pedro Proença (Portugali)

Kiev