Ndeshjet jozyrtare gjithmonë sjellin spektakël. Pa kompleksin e humbjes së pikëve, lojtarët dëshmojnë talentin e tyre. Portali Lajmeshqip.com ka përzgjedhur tetë golat më të bukur në miqësoret e klubeve.
1) I pari në renditje është ai i sulmuesit të Manchester Unitedit, Michael Owen, i cili pranoi një top mjaft të bukur nga Dimitar Berbatov, ndërsa ky i fundit edhe më bukur e dërgoi topin në rrjetë.

2) Menjëherë pas tij, në vendin e dytë, vjen një gol mjaft i bukur nga Yossi Benayon, në miqësoren kundër Wycombe Wanderers, i cili pasi i kaloi 3-4 lojtarë, pa e lëshuar topin të prekë në tokë, në fund e la të shtangur gardianin.

3) Tani është radha për John Arne Riise, ish-sulmuesin e Liverpoolit, i cili renditet i treti. Ai shënoi një gol mjaft të bukur në ndeshjen kundër Celticut, nga një goditje e lirë. Vetëm Roberto Carlos mund të shënojë gol të ngjashëm.

4) I katërti renditet sulmuesi i AC Milan, Super-Pippo. Në ndeshjen kundër Barcelonës ai e pranoi një top të gjatë nga Andrea Pirlo, dhe ky i fundit pa e ndalur fare, e dërgoi topin menjëherë në rrjete dhe gardiani i Barcelonës mbeti i shtangur.

5) Vendi i pestë i takon bishës së Chelseat, Didier Drogba, i cili në miqësoren kundër Milanit, nga 30 metra goditi fuqishëm dhe e befasoi portierin Dida.

6) I gjashti renditet ish-sulmuesi i Arsenalit, i cili në miqësoren kundër SC Wiez, pranoi një top nga mesi i fushës dhe me mjeshtri e nxori nga loja një lojtar, kurse më pas goditi në drejtim të portës me një parabolë, të cilën portieri nuk kishte mundësi ta ndalte.

7) Në radhë është lojtari i Manchester Unitedit, Chris Eagles, i cili renditet i shtati. Ai nga 20 metra, me një goditje të fuqishme e mposhti gardianin e skuadrës Shenzhen.

8) Është radha për kryeveprën franceze, ish-sulmuesin e Juventusit dhe Real Madridit, Zinedin Zidane, cili në miqësoren kundër Tokyo Verdy, me mjeshtrinë e tij i nxori nga loja dy lojtarë dhe, prapë, me mjeshtrinë e tij e mashtroi portierin dhe e vuri topin në rrjetë.