Kapiteni i Chelseat, John Terry e ka pranuar se humbja e djeshme nga skuadra e Arsenalit në Community Shield i ka lënduar ata mjaft shumë, por do e tejkalojnë këtë përmes ndeshjeve në Premier Ligë.

Goli fantastik i Alex Oxlade-Chamberlain i dha fitoren skuadrës së Arsenalit në ndeshjen e zhvilluar në Wembley, kurse kjo ishte fitorja e parë e Wengerit kundër Mourinhos në 14 ndeshjet e fundit, raporton Goal.com.

“Mendoj se ishim më të mirë në çdo aspekt. Këto ndeshje gjithmonë janë paksa të ngadalshme pasi lojtarët janë duke e rikthyer formën e tyre, por është zhgënjyese që nuk fituam”, ka thënë Terry për reporterët, transmeton Koha.net.

Kapiteni i Chelseat më tutje ka shtuar: “Humbja është e tmerrshme në çdo aspekt, harrojeni rekordin e Mourinhos, tani është një trofe që tashmë ka shkuar. Dhemb shumë, nuk ka rëndësi nëse është një miqësore apo Community Shield, mbi të gjitha është një trofe”.