Mungesa e rinovimit nga ana Vicente Del Bosques ka bërë që drejtuesit e federatës spanjolle të futbollit përfshirë këtu edhe presidentin Angel Maria Villar të shohin për përzgjedhës të ri.

Në fakt trajneri aktual i La Rojas ka kontratë me përfaqësuesen 1-herë kampione të Botës deri në përfundim të Europianit Francë 2016, por edhe pse drejtuesit e federatës dëshirojnë të rinvojnë me të ish tekniku i Realit të Madridit preferon ti japë fund aventurës së tij në krye të La Rojas verën e ardhshme.

Del Bosque është në krye të Spanjës që prej vitit 2008, teksa me La Rojan ka arritur të fitojë Kupën e Botës Afrikë e Jugut 2010, si dhe europianin Poloni-Ukrainë që u zhvillua në 2012-n.

Alternativat për të zëvendësuar 64-vjecarin janë disa por emri që intrigon më shumë është ai i trajnerit aktual të Sevillas Unay Emery. Ky i fundit pëlqehet shumë nga presidenti i federatës spanjolle Angel Maria Villar. Megjithatë nuk duhet të harrohet fakti që Emery ka kontratë me Sevillan deri në vitin 2017.

Emra të tjerë që po ndiqen me interes nga krerët më të lartë të federatës spanjolle të futbollit janë edhe ata të më veteranëve si Camacho, Juande Ramos e Joaquin Caparros, por në preferencat e drejtuesve janë edhe disa trajnerë më të rinj në moshë dhe më të talentuar si Lopetegui i Portos apo Celades, tekniku aktual i kombëtares së 21-vjecarëve të Spanjës.