Ish-trajneri i Romës, aktualisht trajner i skuadrës ruse, Zenit, Luciano Spalletti ,dëshiron të lidhet me bashkatdhetarin e tij. Raportet e mëparshme sugjerojnë se një ofertë në vlerë prej 8 milionë eurosh ka arritur në kampin e Juventusit për 24-vjeçarin, Bonucci.
“Bonucci? – Ne kemi marrë një ofertë nga Zeniti, por ne nuk duam ta shesim atë, ai është një lojtar i ri në të cilin ne kemi besim”, tha Marotta në faqen zyrtare të klubit.
Marotta diskutoi gjithashtu shitjen e mundshme të Manninger  dhe Sorensen, por theksoi se ende nuk ka asgjë zyrtare lidhur me të ardhmen e tyre.
“Duke folur për shitje ai tha, ne nuk kemi arritur ende të përcaktojmë situatat e Sorensen dhe Manninger, ndoshta brenda pak ditësh do të qartësohet gjithçka.”
“Për të gjithë lojtarët e tjerë, ne vetëm mund të themi se kemi respekt të madh për ata që janë këtu dhe ne do t’i konsiderojmë propozimet për ata që nuk mund të gjejë ndonjë klub për të shkuar”, tha ai
Juventusi i ka shitur tashmë lojtarët si Hasan Salihamidzic, Felipe Melo, Mohamed Sissoko dhe Tiago Mendes. (LajmeShqip.com)