Bastian Shvajnshtajger ka treguar opinionin e tij rreth finales së Ligës së Kampioneve që Bajern Mynih do të luajë kundër Çelsit në fundjavë, por edhe futbollit anglez në përgithësi. Nëse për Çelsin a ka patur fjalë të mira duke e cilësuar atë një skuadër me shanse të barabarta me bavarezët për të fituar trofeun, ai ka kritikuar mënyën se si Anglia paraqitet në turnetë ndërkombëtare.

“Nëse mund Barcelonën në dy ndeshje, atëherë do të thotë se je një skuadër shumë e mirë. Mënyra se si e bën një gjë të tillë nuk ka aspak rënësi. Ajo që ka rëndësi është rezultati”, tha ai për Çelsin.

“Për mua, këto dy gjysmëfinale do ta bënin Çelsin favorite për fitoren e turneut, po nëse merr në konsideratë që ne luajmë në stadiumin tonë, atëherë mendoj se shanset janë 50-50 për të dy skuadrat”.

“Ka shumë mundësi që të luaj përballë Frenk Lampard, një lojtar për të cilin kam një respekt të jashtëzakonshëm pasi çdo gjë që bën në fushë ka një qëllim efektiv. Ai është gjithmonë i saktë dhe i ngjan Ksabi Alonsos, pasi luan me sy. Sipas mendimit tim, do të ishte gabim nëse Anglia nuk e aktivizon atë në Kampionatin Evropian. Ai duhet të luajë përkrah Stiven Xherard, dy lojtarë që plotësojnë njëri-tjetrin”, tregoi mesfushori i Bajernit.

Por më pas, ai ka kritikua Anglinë për mënyrën se si luan kombëtarja e këtij vendi, e cila sipas tij nuk ka identitet loje dhe bazohet vetëm te aftësitë e individëve të veçantë.

“Gjithmonë mendoj se Anglia duhet të jetë mes favoritëve në turne të tillë. Por ata nuk kanë gjetur ende mënyrën se si të luan si skuadër, ndërsa vazhdojnë të jenë një grup individësh. Anglia ka individë shumë të mirë, por ndoshta nuk janë aq të mirë si grup”.

“Nëse anglezët duan të fitojnë diçka, ata duhet të gjejnë një zgjidhje për këtë situatë. Mendoj se duhet të fillojnë të luajnë më shumë si ne. Në një ndeshje ka hapësira që duhen mbuluar nëse dëshiron të fitosh, Anglia nuk është aq e mirë për ta bërë një gjë të tillë”.

“Problemi mund të jetë edhe psikologjik. Ne nuk do të ishim dorëzuar pas asaj që ndodhi në Kupën e Botës nëse gjyqtari nuk do të akordonte një gol për ne. Gjermanët nuk dorëzohen, luajmë deri në sekondën e fundit. Kemi mentalitet dhe cilësi loje”, tregoi Shvajnshtajger që e sheh përfaqësuesen e tij si favorite kryesore për të fituar Euro 2012. (LajmeShqip.com)