Zhoze Murinjo ka siguruar blerjen e tij të parë pas rikthimit të Çelsi, duke mbyllur me sukses transferimin e Andre Shurle nga radhët e Bajer Leverkusen për shifrën e 18 milion paund. Futbollisti 22 vjeçar ka qenë një objektiv i hershëm i mërkatos së klubit londinez, por marrëveshja u arrit vetëm gjatë ditëve të fundit.

Të dy klubet konfirmuan nëpërmjet faqeve të tyre të internetit për arritjen e akordit, ndërsa do të jetë tashmë në dorën e lojtarit të mbyllë marrëveshjen personale me londinezët, një formalitet i mirëfilltë pasi ai ka dhënë prej kohësh “bekimin” e tij.

Sipas asaj që është mësuar, pjesë e marrëveshjes nuk do të jetë huazimi i mesfushorit belg Kevin De Bryn, apo i bashkëkombësit të tij, Romelo Lukaku. Të dy lojtarët do të vihen nën urdhrat e Murinjos gjatë fazës përgatitore dhe do të jetë trajneri portugez që do të vendosë nëse do të qëndrojnë apo largohen vetëm pasi t’i ketë parë nga afër. (LajmeShqip.com)