Tiranë- Ka përfunduar java e pestë e kategorisë superiore të futbollit, ku ekipi i Teutës kryeson i vetme kampionatin me dy pikë më shumë se ekipi ndjekës i Tiranes.

Ky ishte dhe konkluzioni i javës së pestë, qe përfundoi dje pasdite, kur bregdetarët konfirmuan formën e mirë të tyre me fitoren në Fier ndaj Apolonisë.

Po ashtu, takimet e kësaj jave konfirmuan se rivali kryesor i ekipit durrsak do të jetë Tirana, e ndjekur nga Flamurtari dhe Vllaznia. Ndërkohë që nga ana tjetër është konkretizuar kriza korçare, pasi Skënderbeu ditën e shtunë barazoi pa gola në fushën e vet ndaj Kamzës, ashtu siç bëri dhe ditën e dielë Dinamo qe nuk arriti të merrte me shumë se një pikë ne “Selman Stermasi” ndaj Shkumbinit.

Kjo javë dhuroi për dashamirësit e futbollit 9 gola, tre fitore mike, Tomori-Laçi 0-1, Bylis-Kastrioti 0-1 dhe Apolonia-Teuta 0-1, tre barazime Vllaznia-Tirana 2-2, Skënderbeu-Kamza 0-0 dhe Dinamo-Shkumbini 0-0 dhe një fitore vendase Flamurtari- Pogradeci 2-0.

Ndërkaq, java e 6-të e këtij kompeticioni do të vëre përballë keto çifte: Pogradeci – Shkumbini,
Laci – Dinamo, Kamza – Tomori, Teuta – Skënderbeu, Kastrioti – Apolonia,Tirana – Bylis dhe Flamurtari – Vllaznia.

Klasifikimi në përfundim të javës së pestë të superligës eshte:

Ekipi                      Nd.      Pike

Teuta                        5          12
Tirana                       5          10
Kastrioti                    5          9
Flamurtari                5          9
Laci                            5          8
Bylis                           5          7
Vllaznia                     5           7
Shkumbini                5           7
Apolonia                    5           7
Skënderbeu              5           6
Pogradeci                  5           6
Kamza                       5           4
Tomori                      5           4
Dinamo*                    5         -1