Pasi u përmbush katastrofa me eliminimin pothuajse të sigurt nga Evropa Liga, Agnelli fillon të përdorë të madhin Nedved për merkato. Nga konsulent i presidentit të ri, Nedved kalon në specialist merkatoje.
Në Corso Galileo Ferraris, të gjithë po e verejnë këtë gjë. Të gjithë shikojnë se si rritet pesha e Nedvedit dhe ulet ajo e Marottas.
Del Neri do të largohet, por edhe Marotta është në vëzhgim, sepse ky vit ka ngjallur shumë pakënaqësi. Një mal me miliona euro do të shpenzohen për tërheqjen e lojtarëve që nuk e kanë bindur dhe për të blerë kampionë të rinj.
Ky vit zhvlerësoi të gjithë lojtarët, duke u nisur nga Martinez, një katastrofë prej 12 milionë eurosh. Numra alarmues që fusin në lojë Nedvedin, i cili e zyrtarizon Conten dhe merr pjesë në marrëveshjen me Agueron.

Ish-lavdia juventine, Platini, mes ironisë dhe dëshpërimit, në mikrofonat e Premium Calcios, komentoi momentin e Juventusit nga Dublini: “Nëse mund t’i premtoj Juventusit një Scudetto në mandatin e ri 4-vjeçar? Do të më duhet më shumë se një mandate, duke parë situatën aktuale. Gjithsesi, Juventusi duhet të jetë pozitiv, nuk mund të luajë kaq keq, kështu që ka vend vetëm për përmirësim”.