Duket se Erik Lamela do të përfundojë në Romë. Talenti argjentinas është monitoruar që një kohë nga drejtori sportiv i AS Romës, Walter Sabatini.

Ai kushton rreth 12 milionë euro. Mbi këtë transfer ka dhënë një raport babai i lojtarit, i cili shpjegoi se ka biseduar me udhëheqësit romak në ditët e fundit, dhe shprehu lumturinë e tij. Ai nuk do të ndalojë këtë transfer, dhe do e lejon që i biri i tij të veshëme fanellën kuq e verdhë. Lamela është kërkuar edhe nga Milani,të cilët për një kohë atë e kishin cak kryesor.

Ndërsa në ditët e fundit është folur shpesh për të ardhmen e Antonio Cassanos. Talenti barez arriti në Milan nga Sampdoria, në këtë janar, ndërsa hapësirat e tij në sulm mund të zvogëlohen kur Milani po kërkon një zëvendësues të Ibrahimoviqit. Ditët e fundit është folur për një kalim të Cassanos tek Fiorentina.

Galliani do të takohet me Bozzon, agjentin e Cassanos, dhe do të flasin për të ardhmen e Fant Antonios.

Për momentin nuk po përmendet një largim të Cassanos, raporton Corriere dello Sport, mirëpo e ardhmja e ti, më shumë do të varet nga Allegri.

Cassano dëshiron të luajë ende dhe të fitojë më shumë në sezonin e ardhshëm.

Gjithashtu Milani zyrtarizoi nëpërmjet një komunikate për shtyp se ka rinovuar edhe për një vjet meClarence Seedorf. Holandezi pastaj dha një deklaratë ku tha: “Unë nuk kam folur me Allegrin, do të flas me të më 12 korrik në datën kur do të tubohemi. Tani ne do të fillojmë të mendojmë për objektivin kryesor: Të fitojmë Championsin. Dëshiroj të fitoj Championsin me Milanin edhe njëherë, ta fitoj atë për herë të pestë në karrierën time, ky është një kompeticion që më motivon shumë”, përfundoi Clarence Seedorf.