Edi Rama u ka thënë studentëve serbë se janë kundërshtar vetëm në fushën e lojës, por jo armiq

Kryeministri i Shqipërisë, Edi Rama në një konferencë për shtyp ku ishin të pranishëm dhe studentët serbë që do të ndjekin ndeshjen në “Elbasan Arena” u kërkon këtyre të fundit ta shohin këtë ndeshje si shenjë bashkëpunimi për të ardhmen mes dy vendeve të ballkanit.

Ndër të tjera kreu i Shtetit Shqiptar u kërkon ndjesë për incidentin e ndodhur ditën e djeshme gjatë ardhjes në kryeqytet të ekipit të Serbisë.

“Ardhja juaj është shumë historike. Nuk e fshehim qe është një ndeshje me emocione. Jemi kundërshtar në fushën e lojës, por ama tashme nuk jemi armiq, ne do të bashkëpunojmë për të ardhmen. Më vjen keq që ai 14-vjecari hodhi gur në autobus. Ne do të tregojmë përmes kësaj ndeshjeje vlerat tona. Serbi – Shqipëri mund të bëjë shumë për ballkanin. Le të fitojë imazhi i Shqipërisë, qytetërimi, kështu do të bëjmë më shumë për njohjen e vlerave tona”, ka thënë Rama, shkruan panormasport.

“Shqipëria është një vend që kush vjen njëherë rikthehet përsëri. Ju do të shkoni në Durrës dhe jam i sigurt që vitin tjetër do të kërkoni të vini me familjen tuaj për pushime ”.

Në konferencë foli dhe Ministri i Arsimit Serb, Ministri i Arsimit Shqiptar, Lindita Nikolla dhe njëra nga studentet serbe e cila rrëfyen emocionet e para ne Tirane ne gjuhen shqipe.