Trajneri i përfaqësueses italiane, Çezare Prandeli, është i qartë në mendjen e tij se për të mundur Kroacinë, duhet që të kaltrit të imponojnë lojën dhe jo të rrinë në pritje siç ndodhi në sfidën e parë në grup përballë Spanjës.

“Kroacia është një skuadër e vështirë, që kërkon të gjejë thellësinë dhe që mund të ndryshojë lehtësisht modul në vazhdimësi të ndeshjes, që do të thotë shumë për cilësinë e tyre. Janë lojtarë që njohin njëri-tjetrin shumë mirë. Kroacia ka intensitet loje, janë të vështirë për t’u kaluar fizikisht dhe janë shumë të organizuar”, ishte komenti i tij rreth kundërshtarit.

“Jemi të ndërgjegjshëm për vështirësitë që kemi përballë, por kemi provuar situata të ndryshme me ndërgjegjësimin e duhur. Do të kërkojmë të bëjmë ne lojën dhe të fitojmë në këtë sfidë”, nuk ka fshehur objektivin e tij trajneri italian. “Nuk dua t’i jap avantazhe askujt, por mendoj mundësinë e ndryshimit të vetëm një elementi në skuadër në krahasim me ndeshjen kundër Spanjës”, vijoi ai. (LajmeShqip.com)

Grupi C

Spanjë-Itali                   1-1

63’ Fabregas / 61’ Di Natale

Irlandë-Kroaci              1-3

19’ Sent Lexher / 3’, 49’ Manxhukiç, 43’ Jelaviç

Renditja

Kroaci             3        3-1

Spanjë            1         1-1

Itali                 1         1-1

Irlandë           0         1-3

14.06.2012

Itali-Kroaci                 18:00

Gjyqtar: Hauard Ueb (Angli)

Poznan (Poloni)

Spanjë-Irlandë           20:45

Gjyqtar: Pedro Proença (Portugali)

Gdansk (Poloni)

18.06.2012

Kroaci-Spanjë             20:45

Gdansk (Poloni)

Itali-Irlandë                20:45

Poznan (Poloni)