Ajo që ne duam është që të fitojmë Superkupën, për një vit të tretë me radhë, tha 24-vjeçari për El Mundo Deportivo.
“Kjo është një sfidë e madhe, ne e masim veten kundër Madridit, dhe ne e kemi një titull në rrezik, ato janë dy ndeshje të stresit të lartë, shumë të bukura dhe konkurruese, do të jetë një provë e madhe për ekipin tonë”, tha ai.
Kampionët spanjollë dhe evropianë, sezonin të kaluar fituan Superkupën, të dielën do të zhvillohet ndeshja e parë e SuperKupës në stadiumin Bernabeu, ndërsa ndeshja e kthimit do të zhvillohet në Camp Nou, tri ditë më vonë.
“Ne patjetër do të luajmë shumë mirë kundër tyre, por ajo është një El Classico, ndeshje në të cilën çdo gjë mund të ndodhë, dinamika mund të ndryshojë, kështu që ne do të mundohemi që të nisemi mirë.”
Reali e përfundoi sezonin i dyti në tabelë, pasi fituesit e ligës ishin katalunasit, për të tretin vit radhazi.
Por Pedro, një anëtar kyç i ekipit që fitoi Kupën e Botës me Spanjën vitin të kaluar, paralajmëroi se Reali do të jetë më ndryshe në këtë sezon.
“Reali i Madridit është më i rrezikshëm. Tani lojtarët janë shumë më të përkushtuar. Do të jetë një kampionat i vështirë. Ata luajnë shumë mirë. Mbi të gjitha ne duhet të jemi syhapur nga kundërsulmet. Ata janë shumë të shpejtë dhe janë të vështirë për t’u ndalur”, tha ai.
Ndërsa mesfushori kreativ i Realit, Mesut Ozil, kohët e fundit deklaroi se “ekipi i tyre është më i fortë dhe janë më të pjekur se vitin e kaluar”. (LajmeShqip.com)