Nju Jork është kthyer në një prej ekipeve më të ndjekurat NBA falë Xheremi Lin, i cili me paraqitjet  e  tij është kthyer në një hero për këtë skuadër duke i ndihmuar të marrë 6 fitore radhazi. Mendohej se entuziazmi i fillimit ishte ai që shtynte lojtarin me origjinë aziatike, por në fakt nuk ka rezultuar kështu, pasi Lin ka qenë vendimtar edhe në lojën e nervave pas një takimi të filluar me shumë gabime si ai ndaj Torontos. Në periodën e katërt, organizatori ka ndihmuar skuadrën e tij të përmbysë një disavantazh prej 18 pikësh, ndërsa ka shënuar trepikëshin e fitores në sekondën e fundit të takimit, duke i siguruar këtë fitore të rëndësishme ekipit të tij. Lin shënoi 27 pikë, 11 pasime e 2 topa në tabelë, për të forcuar më tepër  pozitat e skuadrës në vendin e 8-të në Konferencën e Lindjes. 

Në takimet e tjera kanë fituar të gjitha skuadrat e mëdha, duke filluar nga Majemi që ka mundur Indianan duke barazuar nisjen më të mirë të sezonit në historinë e klubit për 30 ndeshjet e para, 23 fitore e vetëm 7 humbje. Suksese të lehta edhe për dy pretendentët e tjerë të titullit, Oklahoma e Çikago, që kryesojnë dy Konferencat. (LajmeShqip.com)

Majemi-Indiana            105-90

Nju Jork-Toronto         90-87

San Antonio-Detroit     99-95

Sakramento-Çikago     115-121

Utah-Oklahoma            85-111

Hjuston-Memfis            83-93

Feniks-Denver              92-109

Uashington-Portland     124-109

Atlanta-LA Leikërs       78-86