Futbollistët e Barcelonës nuk e kanë lëshuar shansin para finales së Ligës së Kampionëve me Manchester United, që t’i përmendin rivalët e tyre Real Madrid dhe Cristiano Ronaldon.
Shumica e lojtarëve mendojnë se Barcelona do ta ketë më të vështirë se sa në vitin 2009, ku si shkak kryesor e përmendin Cristiano Ronaldon.
“Nuk e di a është për shkak të Ronaldos apo jo, mirëpo Manchester tani në fushë duket si një njëshe e vërtetë”, ka thënë Xavi.
“Largimi i Cristiano Ronaldos, i ka liruar ata”, ka thënë sulmuesi David Villa.
Dani Alves konsideron se Ronaldo e ka ngulfatur kreativitetin e ekipit.
“Ky ekip i Manchester Unitedit është më shumë i paparashikueshëm se sa kur ka luajtur Ronaldo. Tani e kanë riformuar ekipin, që është më i balancuar dhe më i fortë se para dy viteve”, ka thënë Alves.
“Kanë ndryshuar si ekip. Dominojnë në Angli dhe tani dëshirojnë edhe Ligën e Kampionëve. Cristiano Ronaldo është larguar dhe nuk ka pasur ndryshime të mëdha”, ka thënë Iniesta.

Katalunasit e kanë shfrytëzuar një ditë më shumë në Angli dhe deri në finalen e madhe të Wembleyt, do të përgatiten në stadiumin e “topçinjve”.
Barcelona do të përgatitet për finalen e Ligës së kampionëve në vendin ku lojtarët e Arsenalit çdo ditë stërviten.
Kampionët spanjollë kanë arritur një ditë më herët në Spanjë për shkak të pluhurit vullkanik nga Islanda, i cili ka penguar të gjitha fluturimet nëpër Evropë.
“Stërvitjet që janë zhvendosur për në fund të javës do të mbahen në trening-qendrën e Arsenalit dhe fillojnë ditën e enjte”, thuhet në një njoftim të klubit.
Barcelona është dashur t’i mbajë stërvitjet ditën e martë dhe të mërkurë, para udhëtimit në Londër, mirëpo gjithçka është çrregulluar me fluturimet.
Para fluturimit për Londër, dyshohej se lojtarët do të udhëtojnë drejt Londrës me autobus.