Turneu i futbollit për meshkuj në Lojërat Olimpike ka filluar me një surprizë të madhe, humbjen 1-0 të Spanjës përballë Japonisë. Iberikët janë mundur nga një gol i Otsu në minutë e 34-t e ndonëse kanë patur në fushë tre Kampionë Evrope (Mata, Martinez e Alba), nuk ka arritur të ndalin suksesin e aziatikëve. 

Ndërkohë, Brazili ka arritur të fitojë në ndeshjen hapëse kundër Egjiptit, por duke i komplikuar shumë punë vetes. Brazilianët kanë shënuar tre herë brenda 30 minutave me Rafael, Damiao dhe Neimar, duke bërë që gjithçka të dukej e thjeshtë për ta. Por dy gola të Abo Trika dhe Saleh në pjesën e dytë kanë vënë në dyshim këtë fitore deri në minutat e fundit të sfidës.

Britania e madhe, skuadra vendase në turneun Olimpik është dashur të kënaqet në një barazim 1-1 ndaj Senegalit. Barazim 1-1 edhe për Zvicrën përballë Gabonit, ku Admir Mehmedi ka shënuar golin e vetëm për helvetët me penallti që në minutën e 5-të të ndeshjes. (LajmeShqip.com)

GRUPI A

Britani M.-Senegal        1-1

E. B. Arabe-Uruguai     1-2

GRUPI B

Meksikë-Kore J.          0-0

Gabon-Zvicër               1-1

GRUPI C

Bjellorusi-Zelandë e Re 1-0

Brazil-Egjipt                 3-2

GRUPI D

Honduras-Marok         2-2

Spanjë-Japoni              0-1