Mënyra se si futbollistët tregojnë pasuritë e tyre nuk është gjë e re. Makinat luksoze, orët e luksit, rrobat nga stilistë të njohur apo edhe diamante prej qindra mijëra eurosh si vëthë nuk janë një e re për futbollin. Por deri këtë javë, askush nuk kishte shfaqur pasurinë edhe në fushën e lojës.

Rasti i parë i përket padyshim futbollistit të Sent Etien, Pierr-Emerik Aubamejang, i cili kreu nxemjen për ndeshjen kundër Lionit duke veshur një palë këpucë sportive me vlerë mbi 3000 euro, pasi ishin të dekoruara me diamante “Sëarovski”.

Kompania “Nike” ka bërë të ditur se janë dashur më shumë se 50 orë punë për të personalizuar këto këpucë me 4 mijë kristale të vogla, për të krijuar një model në të cilin shfaqen edhe emri i lojtarit, numri dhe stema  e klubit.

Kjo nuk është hera e parë që Aubamejang shfaq këpucë të dekoruara me diamante, pasi ai i kishte përdorur një model të ngjashëm, por më pak të kushtueshëm në ndeshjet e kombëtares së Gabonit në Kupën e Afrikës. (LajmeShqip.com)