Mesfushori i Barcelonës, Andres Iniesta është i fundit në listën e gjatë të emrave që miratojë ardhjen e mundshme të Cesc Fabregas në Camp Nou.
Fabregas, 24 vjeç, ka qenë prej kohësh i lidhur me kthimin në vendlindjen e tij dhe Pep Guardiola kohët e fundit ka lënë të kuptohet se dëshira e tij është ta ketë atë në skuadër, ndërsa edhe Xavi, David Villa dhe Seydou Keita kanë shprehur të njëjtën dëshirë për kapitenit e “gunners”.
Dhe Iniesta pajtohet se Cesc do të ishte lojtar i përkryer për skuadrën e tyre në këtë verë.
“Ne kemi thënë shumë herë më parë. Ne do të jemi te lumtur, madje shumë shumë të lumtur nëse ai vjen. Ne jemi duke folur rreth një lojtari shumë të mirë, por e gjitha varet nga të dy klubet, si dhe dëshira e lojtarit”.
Duke folur për para-sezonin, ylli spanjoll mendon se skuadra e tij do të jetë në një betejë kundër rivalëve të tyre nga Madridi.
“Liga është shumë e fortë dhe kjo nuk është vetëm për shkak të Real Madridit. Ka ekipe të tjera që janë shumë të forta e që japin maksimumin në çdo ndeshje, të gjitha lojërat janë si finale dhe ju nuk mund të përballoni të humbasni pikë gjatë rrugës”, tha ai. (LajmeShqip.com)