“Futbolli i kombëtares gjermane është një miks i stilit spanjoll dhe atij shqiptar”. Kështu e përshkruan gazeta “Abendzeitung” paraqitjen e përfaqësueses së drejtuar nga Joakim Lëv në ndeshjen kundër Suedisë, të përfunduar në barazim 4-4.

“Përpara jemi si Spanja, mbrapa jemi si Shqipëria. Jemi spanjollo-shqiptarë”, shkruhet në artikullin e kësaj gazete rreth paraqitjes së lojtarëve në këtë sfidë mjaft të veçantë ku përfaqësuesja gjermane la t’i ikte nga duart një avantazh prej 4 golash në 30 minutat e fundit të sfidës. Po e njëjta gazetë ka publikuar edhe një prononcim të shkurtër të Oliver Kahn, i cili i e ka vlerësuar ndeshjen në fjalë si të njëjtë me atë të famshmen e eliminatorëve të Botërorit 2008, ku Gjermania djersiti shumë për të marrë një fitore 4-3 përballë Shqipërisë. “Më kujtohet një ndeshje kualifikuese kundër Shqipërisë. Aty ne kalonim vazhdimisht në avantazh por shqiptarët na barazonin përsëri. Në fund, ne fituam 4-3”, ishte tregimi i Kahn i cili i përgjigjej pyetjes nëse një rezultat i tillë i kishte ndodhur ndonjëherë më parë përfaqësueses gjermane të futbollit. (LajmeShqip.com)