Kështu, prestigjozja “USA Today” i ka kushtuar këtij eventi dhe disi më shumë frikës së rishfaqjes së dronëve në stadium, një artikull të posaçëm të titulluar pikërisht “Shqipëria i thotë tifozëve: Ju lutem, jo dronë”.

Ndeshja e datës 8 tetor mes Shqipërisë dhe Serbisë është vendosur që tashmë në qendër të vëmendjes të mediave botërore, madje edhe atyre përtej oqeanit.

Kështu, prestigjozja “USA Today” i ka kushtuar këtij eventi dhe disi më shumë frikës së rishfaqjes së dronëve në stadium, një artikull të posaçëm të titulluar pikërisht “Shqipëria i thotë tifozëve: Ju lutem, jo dronë”.

Sipas “USA Today”, autoritetet më të larta futbollistike në Shqipëri, duke marrë shkas nga ndeshja e një viti më parë, e ndërprerë për shkak të dhunës në stadium, të nxitur nga një dron që mbante një baner nacionalist të Shqipërisë, po i bëjnë tashmë apel tifozërisë që në ndeshjen e 8 tetorit përballë Serbisë, e vlefshme për kualifikueset e Kampionatit Europian, të shfaqin sjelljen e tyre më të mirë, shkruan “Albeu.com”.

Media amerikane citon një deklaratë të Tritan Kokonës si zëdhënës të FSHF-së, të dhënë gjatë ditës së sotme, sipas të cilit, rikonfirmohet fakti se biletat e ndeshjes do të mbajnë emrat e tifozëve që do të pajisen me to, në mënyrë që në momentin e hyrjes në stadium, mbajtësit e biletave të rikonfirmohen nëpërmjet kartave të identitetit.

“USA Today” thekson edhe faktin se të printuar në biletë do të ketë edhe një mesazh sensibilizimi: “Ne dijmë si të luftojmë për fitore, por gjithashtu edhe të shfaqim shpirtin e qytetarisë botërore, fair-play, rregulat e lojës, si dhe respekt për ekipin mik”.

Teksa rikujton pozitat konkuruese të Shqipërisë në grupin I, shanset për kualifikim në Euro 2016, si dhe fitoren 0-3 në favor të kuqezinjve ndaj Serbisë në ndeshjen e parë, me vendim të Gjykatës së Arbitrazhit për Sportin, për shkak të ngjarjeve në Serbi, “USA Today” informon se për të siguruar mbarëvajtjen e përballjes së 8tetorit në “Elbasan Arena”, do të angazhohen më shumë se 1 mijë forca policie.