Drejtuesit e Napolit po mendojnë për Granit Xhakën, talentin kosovar të Bazelit. Lajmi është bërë publik nga mediat italiane, të cilat janë të sigurta për interesimin e drejtuesve të kësaj skuadre.

Sipas shtypit italian, futbollisti që vlerësohet rreth 10 milion euro nga klubi i Bazel, shihet si një alternativë e rëndësishme në repartin e mesfushës së Napolit, ku do të rreshtohej përkrah një tjetër futbollisti me origjinë shqiptare, Blerim Xhemajlit.

Për këtë arsye, kanë nisur kontaktet e para mes Napolit dhe drejtuesve të Bazelit, por diskutimet do të vazhdojnë më seriozisht pas përfundimit të këtij sezoni ku napolitanët janë në garë për vendin e tretë në Serinë A, që siguron pjesëmarrjen në Ligën e Kampioneve dhe të ardhura më të mëdha për merkaton e klubit.

Përballë interesimit të Napolit, duket se është dorëzuar Lacio e Igli Tares, i cili nuk është se ka aq shumë fonde në dispozicion për të siguruar lojtarin kosovar të Bazelit. Tashmë sytë e kryeqytetasve janë drejtuar vetëm te Adrian Nikçi, për të cilin duket se nuk do të shpenzojnë më shumë se 500 mijë euro për ta marrë nga Zyrihu. (LajmeShqip.com)