“Konfirmimi i Tiago Silva për Milanin ishte si një blerje e re, babai im ka treguar mjaft pasion duke konfirmuar kampionin tonë”. Këto janë fjalët e Pier Silvio Berluskonit, djalit të presidentit të Milanit, i cili flet për kuqezinjtë dhe atë që pritet në të ardhmen.

“Po për Balotelin nuk po më pyesni asgjë?”, ishte batuta e tij drejtuar gazetarëve. “Po ju them kush më ka çuditur pozitivisht në këtë Evropian, me përjashtim të Iniestës që është një kampioni i konfirmuar: anglezi Keroll, mendoj se i ngjan pak Ibrahimoviç…”.

“Pato? Shpresojmë të shpërthejë një herë e përgjithmonë, ky mund të jetë viti i duhur për të ardhmen e tij”, ka treguar ai duke konfirmuar se objektivi i kuqezinjve është të rinovojnë përbërjen, arsye pse janë larguar shumë prej veteranëve të skuadrës.

“Ky është një Milan më i ri, është e drejtë që herë pas here të ndryshohet dhe të punohet me një projekt të ri. Po lind një skuadër e re dhe motra ime Barbara ka pasionin që nevojitet për këtë ndryshim”.

“Montolivo? Ka personalitet. Në Evropian, me përjashtim të penalltisë së humbur në çerekfinale, ka shkëlqyer”, deklaroi ai. (LajmeShqip.com)