Trajneri i sapoemëruar i kombëtares shqiptare të futbollit, De Biasi, do të fillojë punën “në terren” me datë 21 janar. Tekniku italian do të zhvillojë një grumbullim në Shqipëri me futbollistë të Kategorisë Superiore, ndërsa Sektori i Ekipeve Kombëtare ka përpiluar një listë me ata që shihen si kandidatë të mundshëm për të veshur fanellën kuqezi.

Në listë bie në sy numri i madh i lojtarëve nga skuadra e Teutës, 6 të tillë, që kryeson kampionatin shqiptar, 5 futbollistë nga Flamurtari, 4 nga Tirana, 3 nga Skënderbeu dhe Vllaznia, 1 nga Bylis dhe Kamza.

Në këtë listë mungojnë emra lojtarësh të cilët kohët e fundit janë grumbulluar në kombëtare nga ish-trajneri Josip Kuzhe si Vrapi apo Allmuça ndërsa mungon edhe emri i Klodian Duros. Ndonëse në këtë listë është përfshirë emri i Armando Vajushit, ky i fundit mund të mos marrë pjesë pasi sapo ka përfunduar transferimin nga Vllaznia në radhët e Liteks Loveç në Bullgari. (LajmeShqip.com)

Lista e lojtarëve të grumbulluar për stërvitje me trajnerin De Biasi:

Portierë
Orges Shehi                  Skënderbeu
Stivi Frashëri                Bylis
Shpëtim Moçka            Flamurtari

Mbrojtës
Tefik Osmani                Teuta
Shaqir Stafa                  Teuta
Franc Veliu                   Flamurtari
Renato Arapi                Skënderbeu
Dritan Smajlaj              Vllaznia

Mesfushorë
Albi Dosti                     Teuta
Renato Hyshmeri       Teuta
Ansi Nika                      Teuta
Bruno Telushi              Flamurtari
Gerhard Progni           Flamurtari
Ndriçim Shtubina        Flamurtari
Gentian Manuka          Kamza
Gjergji Muzaka             Skënderbeu
Erando Karabeci          Tirana
Afrim Taku                   Tirana
Gilman Lika                  Tirana
Armando Vajushi         Vllaznia

Sulmues
Mirel Çota                    Teuta
Vilfor Hysa                   Flamurtari
Bekim Balaj                  Tirana