Lojtari i Real Madridit, Cristiano Ronaldo, ka deklaruar se nuk do të largohet nga Madridi gjatë verës, për të kaluar tek Manchester City i cili i ofron gjithçka.
Dy ditët e shkuara mediet kishin spekuluar se portugezi kishte shkruar listën e kërkesave, të cilit udhëheqësit e Cityt ishin të gatshëm ti ofrojnë 400 mijë funte në javë, numrin 7 në fanellë dhe vendin e kapitenit.
“Jo, nuk largohem nga Reali. Këtë mund ta shkruani, e jap fjalën. Po ndjehem mirë dhe dua ta përfundoj kontratën time këtu, dhe nëse më ofrojnë vazhdim, do të mbetem edhe pas marrëveshjes”, ka thënë Ronaldo.
Portugezi nuk i përcjellë kërkesat e Realit për sezonin e ardhshëm, për Sergio Agueron dhe Neymar.
“Nuk e kam ditur për këtë, të dy janë të shkëlqyer. Nuk mund ta paramendoj veten pranë Agueros, ai është një lojtar i shkëlqyer. Neymarin e kam parë dy herë dhe më ka habitur. Sa i përket Adebayor, po të isha në vend të presidentit të Realit, unë do ta mbaja. Ai është një lojtar i shkëlqyer dhe një njeri i mirë”, ka thënë Ronaldo.
Ronaldos nuk i interesojnë transferimet e Barcelonës.
“Me të vërtetë nuk më interesojnë, mund ta sjellin edhe Johan Creuyff dhe Diego Maradonan. Me gjithë respektin, nuk më intereson se kë do ta blejnë”, ka thënë Ronaldo.