Terapia e specializuar duket se ka dhënë efekt. Lorik Cana kaloi lëndimin e pësuar në këmbën e majtë dhe është gati për lojë.

Fotbullisti i Kombëtarës Shqiptare, Lorik Cana ka një lajm shumë të mirë për kombëtarën dhe për gjithë shqiptarët të cilët më pa durim po e presin ndeshejn e 8 tetorit për ta shikuar. Lorik Cana, me gjitha gjasat pritet të prezent në lojën e madhe Shqipëri -Serbi e cila do të luhet në ”Elbasan Arena” me 8 tetor duke filluar nga ora 20:45, raporton Gazeta NewBorn.

Lajmi i mirë konfirmohet edhe nga klubi i Nantes. Mbrojtësi kuqezi është grumbulluar nga trajneri Der Zakarian për sfidën e së shtunës në Ligën e Parë franceze, në fushën e Nicës. Vetëm pak ditë pushim i mjaftuan Canës që të jetë i gatshëm për të zbritur në fushë.

Kjo konfirmohet nga fakti se prej momentit të parë të dëmtimit, stafi mjekësor i Nantes deklaroi se Loriku mund të lihej pushim në fundjavë. Por, rehabilitimi në kohë rekord i bindi mjekët dhe stafin teknik ta grumbullojnë, në mënyrë që 32-vjeçari të japë kontributin për skuadrën.

Rikuperimi i Lorik Canës është një lajm fantastik për Kombëtaren shqiptare, kur na ndajnë vetëm pak ditë nga sfida me Serbinë, në kualifikueset e Euro 2016.

Prezenca e kapitenit në qendër të mbrojtjes është një garanci për trajnerin De Biasi dhe ekipin, për duelin vendimtar të kuqezinjve, ku prej 8 Tetorit, me një fitore në Elbasan Arena dhe humbjen e Danimarkës në Portugali, mund të kurorëzohet ëndrra për kualifikimin e parë në histori në një eveniment madhor.