“Unë dua të luaj për Bayernin, nga ana ime gjithçka është e pastër”, ka thënë Boateng. Ai ka shtuar se Roberto Mancini është trajner i Manchester Cityt, por “unë e ndjej veten shumë me mirë nëse kaloj në Bayern, sepse nëse jam brenda Gjermanisë do të kem më shumë mundësi për të luajtur për Kombëtaren Gjermane”.
Nëse Manchester City pajtohet për transferimin e Boatengut, atëherë Bayerni do t’i ketë Schweinsteigerin, Lahmin, Müllerin, Gomezin, Neuerin, Badstuberin dhe Boatengun, pra gjithsej 7 lojtarë në Kombëtaren Gjermane.
Manchester City ka paguar 12 milionë për Boatengun, ndërsa tani kërkon 20 milionë, kurse Bayerni kërkon të paguajë shumën e njëjtë, me të cilën e ka marrë atë City nga Hamburgu.
Por, Boateng ka thënë: “Si e shikoj unë, ngecja është tek shuma. Unë besoj se kjo do të arrihet. Bayerni është më i madh se City dhe u takon  6 ekipeve më të mira në botë. Oferta e tyre për mua është një nder”.
Nëse transferohet tek Bayerni, Boateng do të nënshkruajë një kontrate 4-vjeçare, deri në vitin 2015.