Slaven Biliç ka deklaruar se do të japë dorëheqjen nga posti i tij si trajner i Kroacisë pas përfundimit të Euro 2012. Kroati 43 vjeçar ka marrë këtë detyrë në vitin 2006 dhe ka drejtuar me sukses ekipin ballkanas duke e bërë një prej më interesantëve.

“Ky është turneu im i fundit në drejtimin e Kroacisë, pas tij do të jem tifozi më i madh i kombëtares ku kam kaluar gjithë jetën time”, deklaroi ai.

“Ne kemi treguar në vitin 2008 se dimë se si të luajmë dhe do të jemi gati përsëri. Nuk mund të them se kjo kombëtare është më e mirë se ajo e vitit 2008, por mund të them se unë jam më i mirë se atëherë. Ne shkuam në Austri me synimin për të fituar Evropianin dhe me këtë qëllim do të nisemi edhe drejt Polonisë e Ukrainës”, ishte deklarata e tij optimiste.

Më pas, ai ka bërë publike listën paraprake prej 27 lojtarësh, duke theksuar se deri në ditën e fundit do të pritej riaftësimi i Niko Kranjçar dhe Dejan Lovren të cilët janë të dëmtuar. (LajmeShqip.com)

LISTA PARAPRAKE E KROACISË:

Portierë: Stipe Pletikosa (Rostov), Danijel Subashiç (Monako), Ivan Kelava (Dinamo Zagreb), Goran Blazheviç (Hajduk Split)

Mbrojtës: Jurica Buljat (Makabi Haifa), Domagoj Vida (Dinamo Zagreb), Vedran Çorluka (Bajer Leverkusen), Josip Simuniç (Dinamo Zagreb), Dejan Lovren (Olimpik Lion), Sime Vrsaljko (Dinamo Zagreb), Gordon Shildenfeld (Eintraht Frankfurt), Ivan Striniç (Dnjepropetrovsk), Danijel Pranjiç (Bajern Mynih)

Mesfushorë: Darijo Srna (Shakhtar Donetsk), Tomislav Dujmoviç (Real Saragoza), Ognjen Vukojeviç (Dinamo Kiev), Ivan Rakitiç (Sevilja), Luka Modriç (Totenhem), Ivan Perisiç (Borusia Dortmund), Niko Kranjçar (Totenhem), Milan Badelj (Dinamo Zagreb), Ivo Iliçeviç (Hamburg)

Sulmues: Ivica Oliç (Bajern Mynih), Nikica Jelaviç (Everton), Mario Manxhukiç (Volfsburg), Eduardo da Silva (Shakhtar Donetsk), Nikola Kaliniç (Dnjepropetrovsk)