Pas deklaratave të Danny Murphyit se Liverpooli sezonin e ardhshëm do të gjendet në presion, vjen edhe përgjigjja e Kenny Dalglishit.

Dalglish tha: “Ai (Murphy) duhet ta dijë se këtu gjithmonë qëndron paksa presion. Ai ka luajtur këtu një kohë të gjatë dhe i di gjërat a është kështu? Unë vetëm e di se atë natë kundër Fulhamit kemi luajtur për mrekulli”.

“Gjithmonë vij nga një paralajmërim. Ka dikush që iu intereson dhe bëjnë pyetje. Por, në qoftë se ata na lavdërojnë, atëherë duhet të kemi kujdes, sepse atëherë gjendemi në presion”.

Dalglish nuk dëshiron t’u jap fund serive të tij të mira, pasi ai synon të bëjë edhe më shumë fitore në rresht në sezonin e ardhshëm.

“Sezoni për mua ka qenë i shkurtër, sepse erdha në janar. Ju nuk ndjeheni i gatshëm për pushime, pasi që dëshironi të vazhdoni. Do të jetë entuziast kthimi në korrik.”

Dalglish, po ashtu, paralajmëroi se Liverpooli do të jetë shumë aktiv në tregun e transferimeve.

Kenny Dalglish beson se mungesa e Liverpoolit këtë sezon në garat evropiane nuk do të ndikojë në dëshirën e lojtarëve për të ardhur në Anfield.

“Kam dëgjuar nga disa njerëz se mosprania e Liverpool-it në garat evropiane e bën klub joatraktiv për lojtarët, mirëpo unë nuk pajtohem”.

“Historia dhe tradita na bënë klub atraktiv, ku do që jemi, edhe nëse nuk jemi në garat evropiane”.

“Nëse lojtari ka tjetër mendim, atëherë më mirë ta mos e kem atë fare”.

Kenny Dalglish po ashtu foli edhe për simpatinë që ka për skuadrën e Blackpoolit, në mënyrën se si luan.

“E kam thënë edhe disa herë gjatë këtij sezoni se më pëlqen shumë loja e Blackpool-it dhe do të më pëlqejë ende, edhe pse më nuk do të jenë në Premier Ligë”.

“Ata duhet të jenë të kënaqur me lojën që kanë zhvilluar dhe po ashtu me shpirtin që kanë treguar në ndeshjet e fundit”, tha Kenny Dalglish.

Në anën tjetër, kapiteni i Blackpoolit, Charlie Adam, tha se dëshiron që karrierën e tij ta vazhdojë në Premier Ligë.

“Unë dua vetëm të luaj. Premier Liga është njëra ndër tri ligat ku dua të luaj, andaj synoj të vazhdoj qëndrimin këtu”.

“Për mua, fokusi im është që të performoj mirë të dielën”.

“Pastaj do të shkoj në pushim dhe kur kthehem flasim rreth të ardhmes sime”, tha Adam.

Ndërsa ylli i Celticut, Emilio Izaguirre, ka pranuar se është tejet i kënaqur me interesimin e klubit nga Premier Liga, Liverpool.

Neil Lennon ka këmbëngulur se Izaguirre nuk do të largohet nga klubi skocez, edhe pse për 25-vjeçarin janë shumë klube të interesuara.

Përveç Liverpoolit, për Izaguirren janë të interesuar edhe Man United dhe Arsenal.

“Kjo është gjë e mirë të dëgjosh, se klubi anglez interesohet për ty”, theksoi Emilio Izaguirre.