Bëhet gati një Juventus i gatshëme për lamtumirë, që nesër do të përshëndes popullin “bianconer” me shumë pendime dhe mllef. Ndeshja e fundit e kampionatit kundër Napolit të Mazzarrit, do të jetë edhe sfida e fundit në stadiumin Olimpico, për një skuadër që ka rigjeneruar stadiumin Delle Alpi, tek i cili do të prezantohet me Antonio Conten. Presidenti i Sienas, Mezzaroma, e liroi zyrtarisht atë dje.

Drejtuesit po punojnë me intensitet për të plotësuar listën e atyre që mund të qëndrojnë, e atyre që do të blihen përfundimisht dhe e atyre që do të ndërrojnë skuadër. Çdo repart do të rimodelohet. Në mbrojtje do të revolucionarizohen krahët: Salihamidzic është në skadencë, Grygera dhe Grosso do të prishin kontratën, kurse Motta do të blihet përfundimisht nga Udinese dhe do të kalojë tek ndonjë skuadër tjetër e Serie A (Parma). Traore dhe Rinaudo do të kthehen mbrapshtë. Juventus është mbrojtur tashmë me ardhjet praktikisht të sigurta të Reto Ziegler dhe Andreas Beck.

Manovrat në mesfushë janë ato më të numërtat. Me ardhjen e Pirlos, detajet e fundit dhe rikonfirmimin e Marchisios, Juventusi duhet të krijojë hapësira dhe para. Largime të sigurta duken ato të Sissokos dhe Melos. I pari mund edhe të rikonfirmohet, duke qenë se pëlqehet nga Conte për skemat e tij kurse braziliani nuk hyn në planet e ndërtimit të Juventusit të ri, por duket më shumë si një gur i çmuar për mërkaton. Çmimi i tij, i rënë ndjeshëm pas blerjes nga Fiorentina, 25 milionë euro, tani vërtitet tek 12-15 milionë euro dhe mund të përdoret për marrëveshjet e shumta në plan me “galaktikët” e Madridit.

Edhe për Agueron marrëveshja është e hapur pas takimit me agjentin e tij, të martën, me Agnelli-n. Çdo gjë luhatet tek klauzola 45-milionë euro dhe rreziku City, Chelsea dhe Liverpool. “Reds” po bëjnë gati edhe rikthimin e Aquilanit, duke mos pranuar ulje në 10 milionë euro.

Në repartin sulmues do të niset nga flamuri Del Piero dhe lojtarët e besueshëm si Matri dhe Quagliarella, kurse Toni do të shkojë diku, ku mund të luajë nëvazhdimësi. Malaga dhe Gremio janë pretendentët. Martinez duket i sigurt tek Fiorentina, ku do të përdoret për të ulur çmimin e Vargas dhe Montolivos.

Ndërsa e ardhmja e Aquilanit duket gjithnjë e më e paqartë. Mesfushori roman mund të kthehet në Liverpool, sipas deklaratave të Kenny Dalglish, menaxher i “Redsave”.

“Ka një mundësi konkrete që Aquilani të kthehet tek ne. Është një lojtar me cilësi, aventura e të cilit nisi keq për arsye dëmtimesh. E huazuam dhe luajti mirë. Nëse kthehet, për mua do të jetë si një blerje e re.”

Juventusi ofron maksimalisht 10 milionë euro për të, kurse Liverpool kërkon 16. Sipas “La Gazzetta dello Sport”, në ditët në vazhdim, do të ketë një udhëtim në Liverpool për të vendosur përfundimisht fatin e lojtarit.

Gjithmonë, sipas së përditshmes milaneze, Momo Sissoko mund të qëndrojë në Torino. Gjiganti malian, është në planet e Contes, që i ka kërkuar Marotta-s të mos e lejojë të largohet dhe mundësisht t’i rinovojë kontratën që i skadon vitin tjetër.

“Ishe, mbetesh e do te jesh portieri më i mirë i rruzullit tokësor, KAMPION BOTE”.

Të gjitha skuadrat të kërkonin dhe mund të shkoje kudo. Mund të fitoje shumë kupa dhe shumë para, por nuk ike. Sepse je një gladiator i vërtetë, një burrë i vërtetë, një njeri me vlera. I meriton ato 50 milionë euro që janë shpenzuar për të të marrur, kur ishe vetëm 22 vjeç.

Së shpejti edhe sakrificat e tua do të shpërblehen. Gigi Buffon, krenaria jonë!

Jemi krenarë që të patëm e të kemi kapiten. Përkushtimi, serioziteti dhe sakrificat e tua nuk do t’i harrojmë kurrë. Do mbetesh gjithmonë në zemrat tona, kapiten. Alex Del Piero, legjenda e gjallë, shembulli, profesionalizmi, dashuria për fanellën, ju jeni busulla e Juventusit tonë.