Ish-mbrojtësi i Interit dhe kombëtares italiane të futbollit, Marko Materaci, ka kritikuar nivelin e gjykimit në Serinë A. Gjatë javëve të fundit, shumë vendime janë dhënë në dëm të Interit dhe ish-mbrojtësi mendon se kjo nuk është rastësore.

“Gjyqtarët janë të frikësuar dhe po e tregojnë këtë nga e diela në të diel. Kundër Juventusit nuk u dha një penallti për Kasanon, pastaj u dha një penallti që nuk ekzistonte për Atalantan. Të dielën nuk u dha një penallti për Ibarbon e Kaljarit, por u dha për Pinijan kur ajo nuk ekzistonte. Këto janë gjëra të çuditshme”.

Por edhe Materaci është i bindur se sezoni i dobët i Interit nuk është krejtësisht “meritë” e gjykimeve të gabuara.

“Nëse një skuadër pëson 45 gola në një vit, atëherë do të thotë se diçka është gabim. Kjo e bën ndeshjen e Kupës ndaj Romës shumë të veçantë. Rrugëtimi ynë fitues fitoi me një Kupë Italie shumë kohë më parë dhe shpresoj që të përfundojë me një tjetër trofe të tillë”. (LajmeShqip.com)