Paris Sent Zhërmen është kualifikuar si kreu i Grupit A pasi ka mundur 2-1 Porton, duke i rrëmbyer vendin skuadrës portugeze. Në ndeshjen e zhvilluar në Francë, parisienët i janë kthyer lojës bindëse dhe kanë arritur të marrin tre pikët që i duheshin falë golave të Tiago Silva dhe Laveci. Ndërkohë, ndeshja tjetër mes Dinamo Zagreb dhe Dinamo Kiev ka përfunduar në barazim 1-1, duke dekretuar kualifikimin r skuadrës ukrainase në Europa League. 

Në Grupin B bie në sy humbja e papritur e Arsenalit në fushën e Olimpiakos me rezultatin 2-1. “Topçinjtë” luftonin për kreun e grupit, por nuk kanë qenë në ditën e tyre më të mirë, duke i lënë hapësira skuadrës greke që i ka shfrytëzuar më së miri duke i ndëshkuar me anë të  Maniatis e Mitroglu. Ekipi anglez ka mbetur i dyti në grup, ndërsa nuk ka ditur të përfitojë nga barazimi 1-1 i Shalkes me Montpelje në ndeshjen tjetër.

Zenit Shën Petersburg ka siguruar pjesëmarrjen në Europa League nga Grupi C, duke arritur të mundë Milanin në fushën e vet falë golit të Dani. Skuadra e drejtuar nga Spaleti ka luajtur përballë një ekipi të pamotivuar dhe ka marrë rezultatin që kërkonte. Ndërkohë, Malaga dhe Anderleht janë ndarë paqësisht në një barazim 2-2, por që gjithsesi i hoqi mundësinë belgëve të vazhdonin në turneut tjetër evropian. (LajmeShqip.com)

Rezultatet

GRUPI A

Dinamo Zagreb-Dinamo Kiev   1-1

90’ (p) Krstanoviç / 45’ Jarmolenko

PSZH-Porto                              2-1

29’ Tiago Silva, 61’ Laveci / 33’ Martinez

Renditja: PSZH 15 pikë, Porto 13, Dinamo Kiev 5, Dinamo Zagreb 1.

GRUPI B

Olimpiakos-Arsenal                  2-1

64’ Maniatis, 73’ Mitroglu / 38’ Rosiçki

Montpelje-Shalke                      1-1

59’ Herrera / 56’ Houedes

Renditja: Shalke 12 pikë, Arsenal 10, Olimpiakos 9, Montpelje 2.

GRUPI C

Malaga-Anderleht                      2-2

45’, 61’ Duda / 50’ Jovanoviç, 89’ Mbokani

Milan-Zenit                                  0-1

35’ Dani

Renditja: Malaga 12 pikë, Milan 8, Zenit 7, Anderleht 5.