Roberto Mançini ka deklaruar se pronarët e Mançester Sitit nuk pritnin që skuadra të kalonte turin nga grupi i vështirë në të cilin kishte rënë në Ligën e Kampioneve. Eliminimi matematikor erdhi pas barazimit 1-1 ndaj Real Madrid që i siguroi pikën e tretë në 5 ndeshje skuadrës kampione të Anglisë.

47 vjeçari pranoi se ishte i zhgënjyer me këtë dështim, për shkak të talentit të padiskutueshëm që kishte në dispozicion në ekip, ndërsa i pyetur për mendimet e pronarëve të klubit, u shfaq shumë i qetë rreth situatës.

“A u dëshpëruan pronarët nga eliminimi? Jo, e dinim që ishte një grup i vështirë. Por kishim një skuadër të mirë dhe mbetet pak zhgënjim pasi mundesh nga Real Madrid dhe Borusia Dortmund”.

“Jam i zhgënjyer si kushdo tjetër këtu, por që në fillim e dinim vështirësinë e këtij grupi, kemi bërë disa gabime gjithashtu. Por tifozët tanë janë fantastikë. Ata e kuptojnë që ne jemi po aq të zhgënjyer sa ata. Ata janë shumë të rëndësishëm për ne, pasi sezoni nuk ka mbaruar. Ne vazhdojmë të kryesojmë kampionatin dhe jemi në garë për Kupën FA. Tani që ka mbaruar Liga e Kampioneve, nuk kemi çfarë të bëjmë tjetër”, tha trajneri që ka fajësuar për eliminimin ndeshjen e parë të humbur në Madrid me rezultatin që ishte 2-1 në minutat e fundit para përmbysjes së madrilenëve.

“Nuk mendoj se e humbëm këtë ndeshje sonte, e humbëm në fillim. E humbëm te disfata në Madrid dhe ndeshja me Dortmundin në shtëpi. Ajo ndeshje me Realin ishte krejtësisht ndryshe, por 5 minuta para fundit po kryesonim 2-1”, kujtoi trajneri i Mançester Sitit. (LajmeShqip.com)